من بين جميع أنواع النكت، فإن أفضلهم هي نكت مصرية بلا منازع، حيث أن المصري معروف في جميع أنحاء العالم بخفة دمه وقدرته على تحويل أي مواقف جادة إلى فكاهة، ويستطيع المصري قلب حدة النقاش إلى ضحك وقهقهات بكلمة واحدة، فما الحال عندما يلقي المصري نكتة في وسط جماعة؟ بالتأكيد سوف يتحول صوت المكان إلى ضحكات لا تهدأ أبداً، هكذا هو الحال عند سماع مجموعة النكت المصرية التي اخترناها لكم اليوم من نكت مضحكة جدا، منها النكت القصيرة والنكت الطويلة، هيا بنا نضحك قليلاً مع أفضل النكت المصرية.
نكت مصرية قصيرة
بالتأكيد لن يبحث عن نكت مصرية سوى شخص يشعر بالكآبة والملل ويريد الضحك قليلاً، تعال معنا لنمرح قليلاً مع هذه النكت المميزة:
- اتنين محششين قاعدين مع بعض، الأول بيقول للتاني تتوقع الجمعة هيوافق آخر الشهر؟ رد التاني قاله: مش عارف، بس لو ضغطنا عليه أكيد هيوافق.
- محشش بيسأل صاحبه: اخبار أبوك ايه؟ وبعدها افتكر إن أبوه أصلاً ميت؛ فكمل بسرعة: لسة موجود في نفس التربة؟.
- مدرس سأل طالب في الفصل: الثعلب من الحيوانات اللي بتبيض ولا بتولد؟، رد الطالب وقاله: الثعلب دة حيوان مكار يعني تتوقع منه إنه يعمل الاتنين عادي.
- نملة بتتمشى على حرف كاس فيه عصير فراولة ومبسوطة أوي، اصحابها سألوها مبسوطة اوي كدة ليه؟، قالتهم: عشان أخيراً حلمي اتحقق وقدرت اشوف البحر الأحمر.
- مرة واحد غبي كان عاوز يعمل مفاجأة لمراته في يوم عيد ميلادها، ومن كتر حماسه راح رامي عليها يمين طلاق.
- واحدة راحت مع ابنها عشان تخطبله، أهل العروسة سألوها: ابنك بيشرب سجاير؟، ردت قالتلهم: لا طبعاً ابني مبيدخنش إلا لما بيكون سكران بس.
إقرأ أيضا:اقوى نكت بيض زنخة 2022
نكت مصرية تموت من الضحك
مع مجموعة نكت مصرية تموت من الضحك لن تستطيع التوقف عن الضحك أبداً، دعنا نختبر ذلك فيما يلي:
- اتنين متجوزين متخانقين ومش بيكلموا بعض، الزوج حط على السرير ورقة وكتب عليها: صحيني الساعة 6 ونص عشان ورايا شغل، نام وصحى متأخر لقى ورقة تانية عالسرير مكتوب عليها: الساعة 6 ونص يلا اصحى!.
- مرة اتنين مساطيل عايزين يسرقوا عمارة، اتفقوا انهم ياخدوا العمارة بعيد ويسرقوها براحتهم عشان ميتمسكوش، قلعوا هدومهم جنب العمارة وفضلوا يزقوا يزقوا في العمارة، حرامي تاني جه م وراهم وسرق هدومهم، فبص واحد منهم وراه ملقاش الهدوم قال لصاحبه كفاية زق كدة بقى احنا بعدنا اوي!.
- مرة سكران قاعد بيقسم مرتبه على المصاريف اللي محتاجها، فقال: 100 جنيه مصروف للبيت، و100 جنيه أيجار، و200 جنيه للحشيش، وفجأة باب الشقة خبط فقال مين؟ قالوله البوليس، قام مقطع ال200 بتوع الحشيش.
- واحدة راحت تشتكي لحماتها وهي بتعيط إن جوزها كل ما تطبخله أكل مياكلش منه وياخده يرميه للكلاب، ردت عليها حماتها: طب وذنب الكلاب دي ايه بس!.
- واحدة غبية شكت في جوزها فعملت حساب مزيف على الفيس بوك عشان تختبره وتشوفه هيخونها ولا لأ، وهي بتتكلم معاه فضلت تضحك تضحك، استغرب وسألها: فرحانة اوي وبتضحكي كدة ليه؟، قالتله: اصل اول مرة جوزي يقولي كلام حلو ورومانسي كدة من أول ما اتجوزنا.
اختارنا لكم…افضل نكت مضحكه 2022
إقرأ أيضا:هنا اقوى نكته عربية 2022
نكت مصرية مضحكة جداً
فيما يلي نقدم مجموعة نكت مصرية مضحكة جداً وجديدة سوف تجل الجميع يضحكون في أي مكان، نتعرف عليها فيما يلي:
- واحد غبي عنده عربية قديمة ونفسه يبيعها بس مش عارف، صاحبه قاله جيب علامة مرسيدس وحطها عليها هتتباع علطول، عمل كدة وجه بعد اسبوع صاحبه سأله ها بعت العربية ولا لأ؟ قاله انت اهبل! حد يبقى معاه عربية مرسيدس ويبيعها!!
- تلاتة صعايدة راحوا لمحطة القطر، لقوا القطر بيتحرك، اتنين منهم راحوا يجروا ورا القطر والتالت واقف مكانه بيضحك، ولما الناس سألوه بتضحك ليه؟ قالهم: اصل أنا اللي كنت هسافر وهما كانوا جايين يوصلوني للمحطة بس.
- صرصار دخل سوبر ماركت كبير، وبعد ما خرج صحابه لقوه مبسوط أوي، فسألوه: ايه اللي مفرحك أوي كدة؟ قالهم: أصل أنا لقيت صورتي موجودة على علبة كبيرة اسمها ريد، معقولة للدرجادي أنا بقيت مشهور من غير ما اعرف!.
- مرة واحد غبي راح يشتغل في الصين، ف اشتغل سواق تاكسي، وكل ما واحد صيني يوقفه عشان يركب يستغرب ويقوله: هو أنا مش لسة منزلك من شوية!
تعرف على….نكت محششين قصيرة وطويلة 2022
إقرأ أيضا:أفضل نكت مكتوبة 2022 رهيبة
نكت مصرية مسخرة
يوجد الكثير من نكت مصرية مسخرة لن يستطيع من يسمعها مقاومة الضحك حد البكاء، لنتعرف على هذه النكت في السطور التالية:
- محشش سألوه، ايه الأهم، الشمس ولا القمر؟، رد قالهم: أكيد القمر، بينورلنا الدنيا بالليل والدنيا ضلمة، لكن الشمس بتيجي بالنهار والدنيا نور أصلاً!
- طالب غبي بيمتحن مادة الكيميا، جاله فالامتحان سؤال بيقول: ما هو الشيء الذي لا يذوب في الماء أبداً؟، جاوب الطالب: السمك.
- مدرس بيسأل الطلاب في الفصل بيقولهم: الرومان عملوا ايه بعد ما عبروا البحر الأبيض المتوسط؟ رد طالب غبي قاله: مش محتاجة يعني، أكيد فضلوا واقفين شوية لحد ما هدومهم تنشف.
- واحد عنده مزرعة فراخ، كل يوم يروح يلم البيض يلاقي بيضة واحدة بس جنب كل فرخة، راح واخد فرخة منهم وقطع رجليها وقالهم: عشان تبقى عبرة ليكوا لو جيت بكرة وملقيتش جنب كل واحدة 5 بيضات هعمل فيها زي اللي عملته فالفرخة دي، تاني يوم راح لقى جنب كل فرخة 5 بيضات فعلاً، إلا فرخة واحدة جنبها 3 بيضات بس، سألها: ليه جنبك عدد بيضات أقل من الباقيين؟ قالتله: استر عليا الله يخليك أنا اصلاً ديك مش فرخة!
تتميز الفكاهة المصرية بأنها متجددة ومستمرة دائماً، حيث لا يخلوا عالم الفكاهة والنكت من وجود نكت مصرية جديدة وعصرية كل يوم، كما تواكب نوعية النكت الجديدة تغيرات العصر من حولنا، بالإضافة إلى أن اللهجة المصرية العامية تضيف لمسة أخرى من المرح وعدم التكلف إلى النكت التي يتم إلقاؤها، عكس اللهجات الأخرى التي قد تُفقد النكتة معناها وفكاهتها.
